Charter Document - 08041001

Hec est convencio facta inter Gilbertum de Gant et Henricum de Armenteres et Galfridum filium eiusdem Henrici scilicet quod ipse Gilbertus de Gant dabit dicto Galfrido filiam suam Julianam in uxorem et ipse Gilbertus dabit eidem Galfridi in liberum maritagium feudum et seruitium ij militum sub hac forma scilicet quod concedet et carta sua confirmabit predicto Galfrido et heredibus suis quos habebit de predicta Juliana totum tenementum quod prefatus Henricus de Armentr et eius antecessores tenuerunt de predicto Gilberto et eius antecessoribus per seruitium x militum Habendum et tenendum sibi et heredibus suis hereditarie de eodem Gilberto et heredibus suis faciendo inde seruitium viii militum sibi et heredibus suis Et preterea prefatus Gilbertus relaxabit per cartam suam Henrico de Armenters tota vita sua seruitium ij militum quorum seruitium relaxauit Galfrido filio eiusdem Henrici Et ipse Gilbertus dabit predicto Henrico lx marcas soluendas his terminis scilicet xx marcas ad festum sancti Martini anno regni regis Johannis xj xx marcas ad Letare Ierusalem proximum sequens et xx marcas ad festum sancti Botulfi proximum sequens his fideiussoribus fide media per cartam suam Willelmo de Wilebi Waltero filio Walteri Hugone de Trikingham Waltero de Breitoft ita quod si dominus Gilbertus supersederit solucionem ad predictos terminos ipsi ad rationabilem sum monitionem eiusdem Henrici satisfacient ei de predicta pecunia et cuicunque ipse Henricus pecuniam assignauerit Item idem Gilbertus clamat quietum predicto Galfrido filio Henrici releuium suum de toto tenemento quod pater eius de eo tenet et faciet eum militem ad custum suum ad festum sancti Johannis baptiste anno regni regis Johannis xij nisi forte communi consilio differendum videatur Predictus vero Henricus dabit predicto Galfrido filio suo manerium suum de Stowe in comitatu Norhamt integre cum pertinentiis sine aliquo retene mento ad dandum Juliane uxori sue in duarium cum carta sua et idem Henricus dabit cartam suam confirmacionis predicte Juliane de eodem manerio et Gilbertus similiter suam Predictus uero Galfridus et Juliana uxor sua constituti in plena seisina predicti manerii conmendabunt ipsum manerium predicto Henrico patri suo ad percipiendum inde omnes exitus in uita sua si forte contigerit quod predicti Henricus et Galfridus filius suus non consentiant simul manere quia tunc predictus Galfridus habebit predictum manerium cum pertinentiis in manu sua Si autem contigerit quod predictus Galfridus aliquo prauo consilio et cupiditate habendi predictum manerium uelit in patrem suum iniuste insurgere et discidium querere predictus Gilbertus resistet ei pro posse suo et illum inpediet et predicto Henrico consilium et auxilium prestabit contra ipsum Galfridum Sepe dictus uero Gilbertus penes se retinebit filiam suam et ei necessarie providebit usque sepe dictus Galfridus miles fiat Hanc autem conuentionem fideliter ex utraque parte esse tenendam ex utraque parte affidatum est Hiis testibus Stephano de Gant Willelmo de Wilebi Waltero filio Walteri Hugone de Trikingham Waltero de Breitoft Renaldo de Gant Elis de Areines Henrico de Norhamt Henrico de Diva Willelmo Foliott Jordano del Estr Michaele de Grimbald Roberto del Estr Petro de Melsa Willelmo de Cromewell et multis aliis