Charter Document - 08040526

Willelmus comes Warrenie omnibus baronibus et burgensibus et omnibus hominibus suis Francis et Anglicis salutem Sciant tam futuri quam presentes me concessisse et dedisse Alano coco meo filio Ricardi coci unum officium in domo mea uidelicet capitale ministerium coquine mee quod dicitur magister cocus quod Ricardus pater eius habuit in domo patris mei et in mea et totam illam terram que dicitur Wodelowe cum omnibus pertinenciis suis incipiente Yarkedich et sic usque Cotheamwei et sic per Cotheamwei usque ad Clerkeporn et per metam de Clerkeyorn usque ad Packemor et in Packemor adeo longe in latitudine fronte ipsius mete et tocius terre sue quam placia se extendit inter Trappardesdich et suam terram arabilem et sic ab illo loco in Packemor completa latitudine predicte placie fronte predicte mete usque Trappardesdich et sic per Trappardesdich et unam uirgatam terre in Coca cum omnibus aliis terris quas predictus Ricardus pater ipsius Alani habuit in burgo meo de Warr et extra Concessi etiam predicto Alano et heredibus suis ut licite curiam suam teneat de omnibus propriis hominibus suis quos Ricardus pater eius habuit in Wodelowe et in Warr sine aliqua contradictione mei uel heredum meorum et teloneum de illis accipiat quodcunque mercimonium uendant uel emant in predicto burgo de Warr Quare volo et firmiter statuo quatinus predictus Alanus et heredes sui habeant et teneant predictum ministerium siue prefatum officium plene et integre cum omnibus feodis dicte coquine cum omnibus pertinenciis que pertinent ad magistrum cocum scilicet in robis et in equis sicut armigeri mei habent in domo mea eodem modo quo Ricardus pater eius habuit in domo patris mei et in mea de me et heredibus meis iure hereditario inperpetuum et totam illam predictam terram que dicitur Wodelowe et predictam uirgatam terre in Coca cum omnibus aliis terris quas Ricardus pater ipsius Alani habuit in burgo meo de Warr et extra cum omnibus pertinenciis suis libere quiete bene et in pace et honorifice in pascuis et in pasturis in bosco in plano in pratis in campis in heys in viis in semitis in metis et in moris in hays et in fossatis in aquis in stagnis in mariscis in curiis in villenagiis et in omnibus locis in tota libertate mea sicut Ricardus filius Yuonis pater ipsius Alani ea unquam melius et liberius et quietius tenuit cum tol et team sacha et sochina J fathe yeol et in sokage omnia antedicta tenebit cum omni libertate Reddendo de iam dictis terris predictus Alanus et heredes sui mihi et heredibus meis annuatim unas cirotecas ad Pascha pro omni seculari seruicio secta curie exactione seu demanda Pro hac uero donacione concessione et presentis carte confirmacione dedit mihi predictus Alanus decem solidos et duodecim aucas cum uno sextario uini Et ego uero predictus Willelmus comes Warr et heredes mei predictum officium integre et totam predictam terram sicut predictum est predicto Alano et heredibus suis contra omnes homines et feminas warantizabimus acquietabimus et defendemus inperpetuum In cuius rei testimonium huic presenti carte sigillum meum apposui Hiis testibus Walerano fratre comitis Hugone de Ard Nigello de Mundeuill Glad Ricardo Odone capellanis Blad de Poerio Willelmo de Dauuill Waltero Reuel Roberto Giffard Willelmo clerico Henrico de Vilers Willelmo Pesson Hugone coco Ricardo Kent et R filio eius God merc Waltero filio Gerardi Rogero dispensario Ricardo pistore Galfrido Wariled Rogero filio eius Jordano clerico Johanne clerico et aliis