Charter Document - 08040523
| Charter Number: | 08040523 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1190 - 1216 |
| Date type: | Assigned |
| Resource Link(s): |
|
Charter:
Cunctis Christi fidelibus Willelmus constabularius filius Roberti constabularii de Holm salutem Nouerit uniuersitas uestra me dedisse et concessisse et hac carta mea confirmasse Willelmo filio Alexandri de Santon et heredibus suis annuatim percipiend in boscis de Holm excepto bosco de Northschoh per tradicionem forestariorum de Holm duas quadrigatas ligni et unam quadrigatam uirgarum et unam quadrigatam ramorum et decem porcos in bosco sine panagio et decem boues in communi pastura de Holm Habeant etiam turbas sufficienter ad comburendas ad opus suum in Santon scilicet in orientali parte mariscis de Holm et tegumentum ad domos suas cooperiendas in eodem marisco Hec omnia concessi illi et heredibus suis tenenda et habenda de me et de heredibus meis libere et quiete plenaria et integre pacifice et honorifice cum libero introitu et exitu absque omni seruicio et exactione Sciendum uero est quod hec predicta pertinent ad suum dimidium feodum militis in Santon Et ego et heredes mei warantizabimus predicto Willelmo et heredibus suis et acquietabimus omnia predicta cum omnibus libertatibus de omnibus rebus contra omnes homines in perpetuum Hiis testibus Willelmo Saluain Roberto de Euerigh Willelmo filio Radulfi Willelmo Foliot Ricardo de la Haie Jordano de Buggethorp Petro de Santon Alano fratre suo Roberto filio Godefridi Eudone filio suo Ernaldo Husbonde Elya de Houeton Galfrido filio suo