Charter Document - 08040475
| Charter Number: | 08040475 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Transfer |
| Date: | 1283 |
| Date type: | Internal, Calendar, Regnal |
| Resource Link(s): |
|
Charter:
Uniuersis Christi fidelibus literas presentes inspecturis Robertus de Tibothot domini regis in Westwalia Justiciarius salutem in domino sempiternam Nouerit uniuersitas vestra nos ex parte domini regis tradidisse et concessisse priori et conuentui de Motesfunte quandam placiam cum suis pertinenciis que iacet extra murum ville de Keremardin ex parte orientali inter placiam que quondam fuit Nichol le King et placiam Adam Scadan que quidem placia profectum nullum ante presentem tradicionem et consessionem cuiquam conferebat Habendam et tenendam totam dictam placiam de domino rege aut de quolibet alio qui pro tempore loco domini regis dominium ville de Keremardin optinuerit loco unius burgagii dictis priori et conuentui de Motesfunte et successoribus suis seu assignatis suis libere et quiete bene et in pace in perpetuum Reddendo inde annuatim dicti prior et conuentus successores sui uel assignati sui domino de Kerem qui pro tempore fuerit duodecim denarios ad duos anni terminos ad Pascha sex denarios et ad festum sancti Michaelis vj denarios pro omnibus seruiciis querelis et de mandis et secularibus exactionibus In cuius rei testimonium literas presentes sigilli mei inpressione roboraui Hiis testibus domino Willelmo de Canwile milite domino Petro Lof Waltero de Pardithon tunc constabulario de Keremardin Roberto Jafes tunc preposito eiusdem ville Meilr Wathan Nicholao Simund Alexandro le cachepol et multis aliis Datum in castro de Keremardin anno regni regis Edwardi undecimo quinto kalendas Maii