Charter Document - 08040473
| Charter Number: | 08040473 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1217 - 1223 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Briwerre pro salute anime mee et Beatricis uxoris mee et Willelmi Briwerre filii mei necnon et pro animabus regum Henrici Ricardi et Johannis dedi concessi et hac presenti carta mea confirmaui deo et ecclesie sancte Trinitatis de Motesfont et canonicis regularibus ibidem deo seruientibus in puram et perpetuam elemosinam totam terram meam de Hulle quam habui et tenui de Roberto de Mandeuile saluo seruicio ad eundem Robertum et ad heredes suos pertinente cum omnibus pertinenciis eiusdem terre in reditibus terris et seruiciis tenencium predicte terre in boscis etiam et planis et pascuis in aquis et semitis et omnibus aliis libertatibus et liberis consuetudinibus ad predictam terram pertinentibus in omnibus locis et in omnibus rebus saluo etiam seruicio domini Regis quantum pertinet ad tantum terre Et preterea dedi et concessi predictis canonicis viuarium quod est in eodem tenemento scilicet illud quod proximum est de Braisfelde ad faciendum annuatim anniuersarium meum et etiam ad augmentum elemosine et hospitalitatis predicte ecclesie de Motesfont Et preterea remisi et quieta clamaui a me et heredibus meis predictis canonicis et hominibus eorum de prefata terra de Hulle tenentibus sequelam hundredi mei de Sumburne et placita foreste quantum ad me et ad heredes meos pertinet Et ego quidem prenominatus Willelmus Briwerr et heredes mei warantizabimus predictis canonicis prefatam terram cum pertinentiis suis contra omnes mortales Et ut hec mea donacio et hundredi et foreste sequele quieta clamacio rata stabilis et firma permaneat presentem cartam sigilli mei inpressione roboraui Hiis testibus domino Willelmo de Scorewelle tunc vicecomite de Sudh Wimudo de Ralie Roberto de Blakeford Philippo de Furneaus Galfrido Cophin Waltero senescallo de Rumes Galfrido de Sumburn magistro Rogero de Baggetor Ada clerico Rogero filio Euerardi clerico magistro Simone persona de Fernl Ada de Brug Waltero Poys Galfrido clerico et multis aliis