Charter Document - 08040472
| Charter Number: | 08040472 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1224 - 1226 |
| Date type: | Assigned |
| Resource Link(s): |
|
Charter:
Omnibus ad quos presens scriptum peruenerit Radulfus Gernun salutem Nouerit uniuersitas uestra me pro salute anime mee et pro anima Johannis Briwerre auunculi mei et pro animabus antecessorum et successorum meorum confirmasse deo et ecclesie sancte Trinitatis de Motesfont et canonicis regularibus ibidem deo seruientibus donacionem quam dominus Willelmus Briwerre auunculus meus eis fecit de tota terra de Tymbrebir et Fareburn cum omnibus pertinenciis suis in omnibus rebus et locis sicut carta quam predicti canonici habent de predicto Willelmo Briwerre testatur Et ut hec mea confirmacio rata stabilis et inconcussa permaneat presentem cartam secreto sigillo meo quia generale signum meum ad tunc non habui presentibus domino Willelmo Briwerre Exon episcopo et domina Alicia Briwerre et domina Ysabella de Dour et omnibus testibus subscriptis sigilli mei inpressione roboraui Et ad maioris testimonii securitatem dominus Willelmus Exon episcopus ad peticionem meam donec huic confirmacioni mee signum meum generale inprimatur sigillum suum apposuit Hiis testibus domino Willelmo Exon episcopo magistro Richardo Albo Galfrido Cophin Willelmo de Horsye Thome Maudut Hugone Wac Radulfo Springham Thome pincerna Yuone de Essel Henrico clerico et multis aliis