Charter Document - 08040469
| Charter Number: | 08040469 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1217 - 1226 |
| Date type: | Assigned |
| Resource Link(s): |
|
Charter:
Omnibus ad quos presens scriptum peruenerit Willelmus Briwerre iunior salutem Nouerit uniuersitas uestra me pro salute anime mee et pro animabus Beatricis matris mee et domini Ricardi fratris mei et domini Johannis Briwerre auunculi mei et antecessorum et successorum meorum ratam et gratam habuisse et confirmasse donacionem quam dominus Willelmus Briwerre pater meus fecit deo et ecclesie sancte Trinitatis de Motesfont et canonicis regularibus ibidem deo seruientibus de tota terra de Hulle cum omnibus pertinenciis et libertatibus suis sicut carta quam habent de dicto Willelmi patris mei testatur Et etiam me confirmasse donacionem quam dominus Willelmus pater meus fecit dictis ecclesie et canonicis de tota terra de Timbrebir cum curia et omnibus pertinenciis suis et omnibus libertatibus et liberis consuetudinibus ad dictam terram et totum manerium de Timbrebir pertinentibus retentis solummodo domino patri meo et heredibus suis magno viuario et prato de Fisceflet et aliis pratis ibidem que non sunt pertinencia ad dictam terram de Timbrebir sicut carta patris mei quam inde habent testatur Et ut hec mea confirmacio rata stabilis et inconcussa permaneat presentem cartam sigilli mei apposicione roboraui Hiis testibus domino Michaele abbate de Bucfest domino Ricardo abbate de Muchelneye Wymundo de Ralegh Roberto de Chilton Galfrido Cophyn Willelmo de Horseye Waltero senescallo de Romes Galfrido de Sumburn Waltero Poys Ada clerico Yuone de Essel Amando Radulfo Springham et multis aliis