Charter Document - 08040468

Sciant presentes et futuri quod ego Margeria de la Ferte pro salute anime mee et animarum domini Willelmi Briwerre patris mei et Beatricis matris mee et pro animabus omnium antecessorum et successorum nostrorum concessi et presenti carta mea confirmaui in ligia potestate et viduitate mea deo et ecclesie sancte Trinitatis de Mothesfunt et canonicis eiusdem loci omnes donaciones concessiones et confirmaciones quas prenominatus Willelmus pater meus et Willelmus Briwerre frater meus eis fecerunt de ecclesiis terris pratis et pascuis boscis aquis et molendinis et omnibus aliis possessionibus inter quas illas duxi specificandas scilicet totam terram quam Johannes Briwerre patruus meus tenuit in Mothesfunt in qua ecclesia predictorum canonicorum fundata est et totam terram de Kadebiri et totam decimam de assartis de Sumburn de Hackaleg et de Esseleg et decimam acram de predictis assartis et ecclesiam de Magna Sumburn ecclesiam de Esseleg ecclesiam de Langestok et ecclesiam de Parua Sumburn cum omnibus libertatibus et pertinenciis suis item totam terram quam dominus pater meus habuit in Merton et quinque marcatas terre in Birebach et quoddam pratum in Rugneye quod fuit predicti Johannis Briwerre et quoddam mesuagium in Stocbrigg cum quodam prato septem acrarum in marisco de Stokebrigg que fuerunt Radulfi de Bray et totum burgagium in Stocbrigg quod fuit Adam le taillur quieta ab omni seruicio secta curie tallagio et omni seculari exactione in liberam puram et perpetuam elemosinam et totam terram de Hulle cum pertinenciis que fuit Roberti de Mandeuill item totam terram quam pater meus habuit in manerio de Muchelmareis et totam terram quam idem pater meus habuit in Tymbrebiri et in Cumton exceptis magno viuario et prato de Fisslute item totam terram de Colemannesleya que fuit abatisse de Rumesie item totam terram de Fareburn et pratum de Cobbemers que fuerunt Philippi de Huckesford item totam terram que fuit predicti Johannis Briwerre patrui mei uersus aquilonem a via que uadit de Rumesie ad Neubrigg scilicet a capite fossati quod uocatur Cobbehey usque ad capud fossati quod uocatur fossatum Normanni uersus austrum et de Karebroch usque ad prenominatam uiam item omnes terras cum edificiis que fuerunt patris mei apud Wintoniam intra muros quam extra item uiginti quinque acras terre cum pertinenciis per perticam de dominico de Langestok item totum tenementum quod predicti pater et frater meus tenuerunt in Langestok de abbatissa et sanctimonialibus Winton cum duobus molendinis que sita sunt sub uno cumulo prope uillam de Stocbrigg cum sectis suis et cum omnibus libertatibus et pertinentiis predictorum tenementi et molendinorum Habenda et tenenda omnia supradicta prefatis ecclesie et canonicis de Mothesfunt cum omnibus eorum libertatibus et pertinenciis sine omni inpedimento mei uel heredum meorum in liberam puram et perpetuam elemosinam saluis tamen seruiciis si qua debentur capitalibus dominis predictorum feudorum Preterea concessi et presenti carta mea confirmaui predictis canonicis de Motesfunt quod ipsi et homines sui de Tymbrebiri et Hulle quieti sint in perpetuum de secta hundredi de Sumburn et de placitis foreste quantum ad me et ad heredes meos pertinet Ego uero Margeria et heredes mei omnes prenominatas terras et possessiones cum omnibus libertatibus et liberis consuetudinibus et aliis pertinenciis suis prefatis ecclesie et canonicis de Mothesfunt in perpetuum warantizabimus videlicet secundum quod spectat ad racionabilem partem hereditatis mee que ad me de patre et fratre meo descendit et sicut carte predictorum patris et fratris mei plenius et melius testantur Et ut hec mea concessio et confirmacio firme et stabiles sint in perpetuum huic scripto sigillum meum apposui Hiis testibus Ricardo de Kardewill Willelmo de Dammartin Rogero de Vilers Thome de Hoctun Wymundo de Raleg Radulfo de Dun Waltero Poys Waltero Oildeboef Ricardo de Dunebrig Ricardo de Pereleth Galfrido Perceuent et multis aliis