Charter Document - 08040452
| Charter Number: | 08040452 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1251 |
| Date type: | Internal, Calendar, Feast |
| Resource Link(s): |
|
Charter:
Sciant presentes et futuri quod ego Edmundus de Lascy concessi et quietum clamaui de me et heredibus meis Johanni de Longeuilers et heredibus suis vel eius assignatis totam terram de Farneley quam emi de Waltero de Wrictellesford sine aliquo retene mento insimul cum homagio et seruicio Eudonis et heredum suorum et cum omnibus ceteris hominibus ville et cum omnibus libertatibus ad dictam villam de Farneley pertinentibus ita quod nec ego Edmundus de Lascy nec aliquis heredum meorum in dicta villa aliquod ius vel clamium de cetero poterimus exigere iure quod habui per dictum Walterum de Wrictelesford Tenendam et habendam dicto Johanni et heredibus vel assignatis suis de me et heredibus meis per idem seruicium quod prius mihi fecit pro toto tenemento quam de me tenuit Et ut hec mea concessio et quieta clamacio firma et stabilis permaneat huic scripto sigillum meum apposui Hiis testibus dominis Rogero de Quency comite Winton Thome filio Willelmi Petro de Percy Roberto de Stapelton Radulfo de Horbir Johanne de Hoderode Roberto de Costia Roberto de Couners Johanne de Stainton et aliis Datum apud Rowell die sancti Mathei apostoli anno regni regis Henrici filii Johannis xxx quinto