Charter Document - 08040445

Willelmus comes de Albamare filius Hawise comitisse de Albamare omnibus hominibus et amicis suis Francis et Anglis clericis et laicis presentibus et futuris salutem Sciatis me concessisse et hac carta confirmasse in liberam et puram et perpetuam elemosinam deo et ecclesie beate Marie de Geroudon et monachis ibidem deo seruientibus pro salute anime mee et uxoris mee et omnium antecessorum et heredum meorum quatuor carucatas terre de feudo meo in Estwelle cum omnibus pertinentiis suis liberas et quietas ab omni seculari seruicio quod ad comitem de Albamare auum meum et ad Hawisam matrem meam comitissam de Albamare pertinuit et quod ad me et ad heredes meos pertinet et ab omni terreno seruicio videlicet illas quatuor carucatas terre quas predicti monachi habuerunt ex donacione Radulfi pincerne de Eytona postquam idem Radulfi diracionauerat terram illam in curia domini Regis et ex confirmacione Willelmi comitis de Albamare aui mei et ex confirmacione predicte Hawise matris mee comitisse de Albamare de cuius feodo terra illa est Et prohibeo ne aliquis predictos monachos inde grauet neque inquietet neque molestiam faciat in perpetuum Quia omnibus heredibus terre que de feudo matris mee in Eytona et Estwelle et omnibus qui terram illam tenuerunt uel tenebunt quietum clamaui a me et heredibus meis in perpetuum forense seruicium et omne seruicium quod ad comitem de Albmare auum meum et ad Hawisam matrem meam comitissam de Albamare pertinuit et quod ad me et ad heredes meos pertinet de terra monachorum Et ego et heredes mei acquietabimus in perpetuum terram illam de omni seculari seruicio et hec omnia predictis monachis warantizabimus Testibus hiis domino Henrico de Aldetheleghe Waltero de Deyuill Stephano de Segraue Fulcone de Oyri Gaufrido dispensario Hugone de foresta Roberto de Burton Johanne de Foleuill Roberto de Withme Hugone de Stretleghe et multis aliis