Charter Document - 08040444

Hawisa comitissa Albemarl omnibus hominibus et amicis suis Francis et Anglicis clericis et laicis presentibus et futuris salutem Sciatis me in ligia potestate mea constitutam post mortem domini mei Baldewini de Betunia et postquam finem feci de iure et hereditate mea cum domino rege concessisse et hac mea carta confirmasse in puram et perpetuam elemosinam deo et ecclesie sancte Marie de Geroudon et monachis ibidem deo seruientibus pro salute anime mee et domini mei Willelmi de Mandeuill comitis Essex et heredum et antecessorum meorum quatuor carucatas terre in Estwell cum omnibus pertinentiis liberas et quietas ab omni seruicio quod ad comitem Albemarl patrem meum pertinuit et quod ad me et heredes meos pertinet et ab omni seruicio videlicet illas quatuor carucatas quas monachi habuerunt ex donatione Radulfi pincerne postquam idem Radulfus dirationauerat terram illam in curia domini regis et ex confirmatione Willelmi de Euermue et confirmatione Willelmi comitis Albem patris mei de cuius feodo terra illa est Et prohibeo ne aliquis eos inde grauet neque inquietet neque molestiam faciat quia omnibus heredibus terre que de feodo patris mei est in Eiton et Estwell et omnibus qui terram illam tenuerint uel tenebunt quietum clamaui a me et heredibus meis forense seruicium et omne seruicium quod ad comitem Albem patrem meum pertinuit et quod ad me et heredes meos pertinet de terra monachorum Et ego et heredes mei acquietabimus terram illam in perpetuum de omni seculari seruicio et hec omnia predictis monachis warentizabimus Hiis testibus Hugone abbate de Melsa Jordano abbate de Thorenton Adam capellano Ranulfo vicecomite Henrico de Cundigcot Engeram de Albemarl Johanne Mauueisin Alizia de Fontibus Richeuda Clementia puellis meis