Charter Document - 08040437
| Charter Number: | 08040437 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Royal |
| Charter Type(s): | Quitclaim |
| Date: | 1262 |
| Date type: | Internal, Calendar, Regnal |
| Resource Link(s): |
|
Charter:
Ricardus dei gracia Romanorum rex semper Augustus omnibus ad quos presentes littere peruenerint salutem et omne bonum Nouerit uniuersitas uestra nos remisisse et quietum clamasse pro nobis et heredibus nostris dilecto fideli nostro Philippo Basset toto tempore vite sue omnem sectam quam idem Philippus nobis facere tenebatur ad curiam nostram de Walingford ratione terrarum et tenementorum que de nobis tenet in honore de Walingford ita quod post decessum ipsius Philippi heredes sui sectam ad predictam curiam nostram de Walingford plenaria faciant sicut predictus Philippus et antecessores sui ipsam sectam facere consueuerunt ante istam concessionem In cuius rei testimonium has litteras nostras eidem Philippo fideli nostro fieri fecimus patentes Hiis testibus Jacobo de Alditheleg Roberto Walerand Willelmo de Insula Ricardo de Amondeuill Huberto de Rully Roberto le chaumberleing Ricardo de Rully et aliis Datum London xxvi die Nouembris indictione sexta regni nostri anno quinto