Charter Document - 08040436
| Charter Number: | 08040436 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1157 - 1159 |
| Date type: | Assigned |
| Resource Link(s): |
|
Charter:
M[alcolmus] rex Scotie episcopis abbatibus justiciis comitibus uicecomitibus baronibus ministris et omnibus probis hominibus totius regni sui et honoris de Huntedune clericis et laicis salutem Sciant tam posteri quam presentes me dedisse et concessisse et per hanc meam cartam confirmasse deo et sancte Marie et monachis ordinis Cistercii qui sunt de domo de Sartis in perpetuam elemosinam ad abbatiam construendam pro salute anime mee et antecessorum et successorum meorum totam Saltreiam cum omnibus pertinentiis suis in bosco et in plano in pratis et aquis et pasturis et mariscis et omnibus aliis rebus sicut eam tenuit bone memorie Dauid rex auus meus et sicut eam michi reddidit Henricus rex Anglie cum aliis rectis meis de Huntedune Quare uolo et firmiter precipio ut predicti monachi eam habeant et teneant de me et de heredibus meis sicut meam propriam elemosinam bene et in pace et honorifice et quiete et libere ab omni exactione temporali et seruitio sicut alii monachi eiusdem ordinis in regno meo elemosinas suas liberius et quietius habent et tenent His testibus Herberto episcopo Glasc Waldeuo abbate Melros Ernaldo abbate Ruchesb Osberto abbate de Jeddewrd Waltero cancellario Adam capellano de Rochesb Nicholao clerico Willelmo fratre meo Waltero filio Alani Ricardo de Moreuilla Randulfo de Sulis Willelmo de Moreuilla Willelmo de Sumeruilla Liolfo filio Maccus Ormo filio Eilaui Dauid Olifard Roberto Frebern Dauid de Boeuilla Henrici de Perci apud Rochesburd