Charter Document - 08040422
| Charter Number: | 08040422 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1216 - 1247 |
| Date type: | Assigned |
| Resource Link(s): |
|
Charter:
Sciant presentes et futuri quod ego Adam de Sumeri dedi et concessi et hac presenti carta mea confirmaui Ailward filio Adam de Stapelford quinque acras terre excepta una roda in villa de Senle que jacent juxta iter quod vocatur Hunteneweie cuius terre latitudo se extendit usque ad dominicum meum Habendas et tenendas de me et heredibus meis sibi et heredibus suis hereditarie libere et quiete Reddendo inde annuatim mihi vel heredibus meis quadraginta et quinque denarios ad quatuor terminos anni scilicet ad Nathale domini ad Pascha ad natiuitatem sancti Johannis ad festum sancti Michaelis ad quemlibet terminum undecim denarios et unum quadrantem pro omnibus seruiciis consuetudinibus exactionibus et querelis ad me uel ad heredes meos pertinentibus saluo seruicio domini regis quantum pertinet ad tantam terram Et ego predictus Adam et heredes mei warantizabimus predictam terram cum suis pertinentiis predicto Ailward et heredibus suis contra omnes homines et feminas per predictum seruicium in perpetuum Pro hac autem donacione et concessione et huius carte mee confirmacione et warantizacione mei et heredum meorum sibi et heredibus suis dedit mihi predictus Ailwardus septem solidos esterlingorum et Emme uxori mee sex denarios in gersummam Hiis testibus Thome de Waus Johanne filio suo Waltero de Faleise Johanne filio suo Nigello filio presbiteri Gregorio de Wrobeleie Simone de Ashunte Willelmo de Hameleburn Alano de Saldeburn et multis aliis