Charter Document - 08040418
| Charter Number: | 08040418 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1252 - 1257 |
| Date type: | Assigned |
| Resource Link(s): |
|
Charter:
Sciant presentes et futuri quod ego Rogerus de Quency comes Wynton constabularius Scottorum dedi concessi et presenti carta mea confirmaui pro me et heredibus meis Edmundo de Lascy consanguineo meo et heredibus suis pro homagio et seruicio suo maneria de Kypex et de Scales cum omnibus pertinentiis suis et libertatibus et liberis consuetudinibus et aisiamentis homagiis et seruitiis libere tenencium et aliorum et omnibus aliis ad predicta maneria pertinentibus et cum aduocacione ecclesie de Kypex Habenda et tenenda de me et heredibus meis sibi et heredibus suis in perpetuum in feodo et hereditate libere pacifice honorifice et quiete predicta maneria cum omnibus pertinenciis sine aliquo retene mento in bosco et plano in viis et semitis in pratis et pascuis in parcis et stagnis in aquis et molendinis et in omnibus aliis pertinenciis ad predicta maneria pertinentibus Reddendo inde annuatim mihi et heredibus meis ille et heredes sui unum par chirothecarum griseo furatarum ad festum sancti Michaelis pro omnibus seruiciis sectis curie consuetudinibus et de mandis ad me uel ad heredes meos pertinentibus Et ego et heredes mei predicta maneria cum omnibus pertinenciis predicto Edmundo et heredibus suis contra omnes gentes in perpetuum warantizabimus acquietabimus et defendemus Hiis testibus dominis Ricardo de Clare comite Glouernie et Herdfordie Roberto de Quency Philippo Luuell tunc domini Regis thesaurario Henrico Engayne Saher de Sancto Andrea Waltero de Loudeham Willelmo de Bosco Johanne de Cranford Johanne de Hoderode tunc senescallo de Pontefracto Johanne Bekard Willelmo Engayne Johanne Engaynne Warino de Cundle Roberto de Sancto Andrea Osberto tunc persona de Doningnton Briano clerico Roberto Noel clerico et aliis