Charter Document - 08040413
| Charter Number: | 08040413 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1164 - 1166 |
| Date type: | Assigned |
| Resource Link(s): |
|
Charter:
Henricus rex Anglie et dux Normannie et Aquitanie et comes Andegavie archiepiscopis episcopis abbatibus comitibus baronibus iusticiariis vicecomitibus ministris et omnibus fidelibus suis Francis et Anglis totius Anglie salutem Sciatis me concessisse et presenti carta confirmasse pro anima Willelmi fratris mei ecclesie sancte Marie de Straffort et monachis ibidem deo seruientibus quadraginta solidatas terre in Hamma quas Willelmus frater meus eis dedit in perpetuam elemosinam Quare volo et firmiter precipio quod prenominata ecclesia et monachi habeant et teneant predictas xl solidatas terre cum omnibus pertinentiis suis in pratis et viis et semitis et in omnibus aliis locis et aliis rebus ad easdem pertinentibus ita bene et in pace libere quiete plenaria integre et honorifice cum omnibus libertatibus et liberis consuetudinibus suis sicut Willelmus frater meus eas illis dedit et carta sua confirmauit Testibus Gilleberto episcopo Lund Gaufrido archidiacono Cant Ricardo archidiacono Pictau comite Gaufrido Ricardo de Luci Gilleberto de Monfichet Heruico de Monte Moric Apud Oxen