Charter Document - 08040411
| Charter Number: | 08040411 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1269 |
| Date type: | Internal, Calendar, Regnal |
| Resource Link(s): |
|
Charter:
Omnibus ad quos presens scriptum peruenerit Henricus de Alemann Willelmus de Valenc comes Penbrok Johannes de Warenna comes Surr Willelmus de Bello campo comes Warwyk Rogerus de Somery Thomas de Clare Robertus Walraund Rogerus de Clifford Hamo Extraneus Bartholomeus de Suthleg et Robertus de Briwes salutem Nouerit uniuersitas vestra quod cum nos ad requisicionem Roberti de Ferr comitis Derb et amicorum suorum manu ceperimus pro eodem quod ipse pro redempcione terrarum et tenementorum suorum solueret domino Edmundo filio Regis Anglie quinquaginta milia librarum sterlingorum in quindena festi natiuitatis sancti Johannis Baptiste anno regni Regis Henrici filii Regis Johannis quinquagesimo tercio et idem comes pro indemnitate nostra tradidisset nobis omnes terras et tenementa sua predicta sub hac forma quod nisi idem comes predictam summam pecunie eidem domino Edmundo solueret in termino predicto uel aliter ei satisfaceret ex tunc liceret nobis omnes terras et tenementa sua predicta cum suis pertinenciis eidem domino Edmundo reddere et assignare habenda et tenenda sibi et heredibus suis libere et quiete donec dictus comes predictam summam quinquaginta milium librarum totam simul et semel persolueret fructibus ab ipso inde medio tempore perceptis in solucionem dicte redempcionis minime computandis prout predicte conuenciones in instrumentis inde confectis et sigillo eiusdem comitis sigillatis plenius continentur cumque predictus comes predictam summam pecunie dicto domino Edmundo in predicto termino iam elapso non soluerit nec aliter eidem satisfecerit Nos in presencia domini Regis predicti et magnatum qui sunt de consilio suo omnes terras et tenementa predicta cum suis pertinenciis domino Edmundo prefato reddidimus et assignauimus habenda et tenenda sibi et heredibus uel assignatis suis una cum dote domine Margarete matris eiusdem comitis cum accidit quousque dictus comes uel eius heredes predicto domino Edmundo uel heredibus suis totam predictam pecuniam simul et semel persoluerint prout continetur in instrumentis supradictis In cuius rei testimonium huic scripto sigilla nostra apposuimus Hiis testibus Dominis Philippo Basset Reginaldo filio Petri Roberto Agwyllum Roberto de Thyptot Pagano de Chawrth Willelmo de Aete Willelmo de Wyntereshull Waltero de Burges Stephano de Eddewrth Rogero de Walton militibus Waltero de Merton magistro Johanne de Cheshull magistro Thome de Wymondham Henrico de Monteforti clericis et aliis Datum apud Westmonasterium nono die Julii anno regni domini Regis predicti quinquagesimo tercio