Charter Document - 08040409

Sciant presentes et futuri quod ego Galiena de Daummartin in mea viduati et legali potestate mea dedi et concessi et hac presenti carta mea confirmaui Johanni de Maundeuill filio meo pro homagio et seruicio suo sexaginta et sex decem acras terre et unam acram prati in uilla mea de Nortun quarum sexaginta et sex decem acrarum quadraginta acre iacent in campo qui vocatur Westfeld iacente iuxta terram rectoris ecclesie de Alta Angria et terram domini Walrani de Muncews et octo acre que iacent in campo qui vocatur la Mora et quindecim acre que iacent in alio campo qui similiter uocatur Westfeld iacente iuxta terram sancti Pauli London quam dominus Ricardus Foliot tenet et una acra terre que uocatur Old Apeltun que iacet in eodem campo et decem acre que vocantur Kelleueland et tres acre terre iacentes in campo qui vocatur Westfeld inter terram que uocatur Kelleueland et terram meam et extendunt se a terra domini Ricardi Foliot usque ad cheminum regale et una acra prati que iacet propinquius prato rectoris ecclesie de Alta Angria cum omnibus suis pertinentiis et fossatis et sepibus dictas terras circumeuntibus que me contingebant aliquando salua michi et hominibus meis una uia de latitudine unius pertice in boreali parte iuxta sepem dicti Johannis que ducit a chemino regali quod uocatur le Westrete usque ad ripariam ad fugandum et cariandum ad pratum meum quod uocatur Longemad Volo etiam et concedo quod dictus Johannes et heredes sui uel sui assignati habeant liberum introitum et exitum quo et quando uoluerint eundi et introeundi fugandi cariandi equitandi et caciandi ad dictas terras sine ulla contradictione mei uel heredum meorum ab ecclesia de Nortun per uiam que se extendit uersus Angriam scilicet in campo qui vocatur Chirchefeld iuxta longam sepem ex parte australi Habendum et tenendum de me et de heredibus meis sibi et heredibus suis ex legitimo toro procreatis uel cuicunque dare vendere inuadiare uel assignare uoluerit exceptis domibus religiosis et Judeis bene in pace integre et hereditarie reddendo inde annuatim michi et heredibus meis uel meis assignatis unum galofiliarum ad festum sancti Johannis baptiste pro omnibus seruiciis auxiliis consuetudinibus curiarum sectis querelis exactionibus et omnimodis de mandis saluo seruicio domini regis scilicet quando scutagium euenerit pro qualibet acra unum denarium Ego uero dicta Galiena et heredes mei warantizabimus et defendemus dicto Johanni et heredibus suis uel suis assignatis predictas terras cum suis pertinentiis per predictum seruicium contra omnes gentes in perpetuum Et ut hec mea donacio et warantizacio mea rata sit et stabilis inperpetuum presenti scripto sigillum meum apposui Hiis testibus Radulfo de Macy Helia del Frith Willelmo filio suo Johanne de Merk Nicholao filio Warini Warino de Panda Ricardo le quilt Warino Mingy Galfrido de Wyham Johanne de Muntvirum clerico et aliis