Charter Document - 08040405
| Charter Number: | 08040405 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1190 - 1191 |
| Date type: | Assigned |
| Resource Link(s): |
|
Charter:
Willelmus de Munkenesi omnibus hominibus et amicis suis Francis et Anglis presentibus et futuris salutem Sciatis me dedisse et hac mea karta confirmasse Ricardo de Seinges propter homagium et seruicium suum centum solidatas terre in terris et homagiis et reditibus racionabiliter computatas in uilla de Sudtun post decessum Agnetis matris mee que tenet predictam uillam in dotem illi et heredibus suis ad tenendum de me et heredibus meis in feodo et hereditate libere et quiete et pacifice et honorifice per seruicium tertie partis feodi unius militis Et propter hanc donacionem et huius carte confirmacionem predictus Ricardus clamauit michi et heredibus meis quietam de se et heredibus suis quandam terram quam ipse clamauit uersus me in Lodnes et Sislande et redidit michi cartam patris mei quam inde habuit Et preter hoc dedi predicto Ricardo unum bisantem de talamo meo de saisina per annum recipiendum donec terra predicta sit quieta de matre mea predicta Hiis testibus Willelmo comite Susexie Willelmo filio suo Henrico de Albeneio Reinero fratre suo Hugone de Alben Gileberto de Norff Galfrido de Ambli Willelmo filio Heruei Brien filio Radulfi Willelmo de Manerio Warino filio Radulfi Willelmus Russel Ricardo de Bradeker Radulfo de Bukeham Ricardo de Vileken Stephano de Broked Reginaldo filio suo Willelmo Acull Radulfo de Bukeham Hugone de Bukeham Galfrido de Seinges Roberto de Cleiis Roberto de Rye Willelmo le Gris Ricardo de Belpel Rogero de Reimes