Charter Document - 08040404
| Charter Number: | 08040404 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1199 - 1230 |
| Date type: | Assigned |
| Resource Link(s): |
|
Charter:
Sciant presentes et futuri quod ego Bald filius Bald constabular Bolon concessi et dedi et hac carta mea confirmaui Laurentio filio Jordani pro seruicio suo et homagio decem acras terre de feodo meo in Sopilandia que iacent propinquiores terre de Thurcalla inter terram que fuit Ricardi heremite et fontem qui appellatur Stanwelle cum quadam via de latitudine quinque pedum ad eundum a terra prenominata eques et pedes usque ad vicum quo itur ad ecclesiam de Sopiland habendas et tenendas in feodo et hereditate sibi et suis heredibus de me et meis heredibus per seruicium xij denariorum per annum secundum infra octavis Pasche vj denarios et infra octo dies sancti Michaelis vj denarios pro omni seruicio et exactione et per defensionem duarum acrarum uersus dominum regem Preterea concessi ei et dedi quoddam fossatum de latitudine quinque pedum ad faciendum cursum aque a fonte de Stanwelle usque ad mesagium suum Pro hac autem donacione et presentis carte mee confirmacione dedit mihi prefatus Laurentius xxv solidos Quare uolo et concedo quod ipse et heredes sui habeant et teneant predictam terram cum pertinentiis libere et hereditarie de me et meis heredibus per seruicium prenominatum Et ego et heredes mei warantizabimus illi et heredibus suis hoc tenementum uersus omnes homines et feminas Testibus Gilberto de Estewd et Antonio de Sopiland sacerdotibus Willelmo filio Willelmi Henrico de [] Johanne de Fleta Willelmo Butelar Rogero filio Serlonis Gralanc Bruno Henrico de [] Nicholas de Paclesham Rogero de Berges Si [] Bald filio Radulfi Waltero Muluell Godefrido et Waltero de Sopiland