Charter Document - 08040402
| Charter Number: | 08040402 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1217 - 1246 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Mortuomari de Atleburg miles concessi dedi et hac presenti carta mea confirmaui Roberto Walays de Bykerston tres pecias terre mee arabilis cum pertinenciis in willa de Bernham quarum una pecia terre iacet super Longelond inter terram Willelmi de Carlton ex parte orientali et terram Henrici de Kirkegate ex parte occidentali secunda pecia terre iacet super Carthornhyl inter terram quondam Dauid del Okes ex parte orientali et terram Henrici de Kyrkegate ex parte occidentali et tercia pecia terre iacet inter abbutalia plurium terrarum ex parte australi et terram Thome de Kyrkegate ex parte aquilonari et vocatur le Longehaluaker Et computantur predicte tres pecie terre pro duabus acris siue plus contineant siue minus quas quidem tres pecias terre quondam perquisiui de Igidio filio Wyni de Dulyngton Tendendas et habendas de me et heredibus meis supradicto Roberto et heredibus suis libere quiete bene pacifice in feodo et hereditate in perpetuum et cuicunque et quandocunque predictas pecias terre cum pertinenciis dare vendere vel assignare voluerit Reddendo inde annuatim mihi et heredibus meis sex denarios scilicet ad Pascha tres denarios et ad festum sancti Michaelis tres denarios et ad scutagium domini Regis quando euenerit unum obolum tantum et faciendo mihi et heredibus meis duos aduentus per annum nomine secte ad curiam meam de Bernham videlicet ad curiam generalem post Pascha et ad curiam generalem post festum sancti Michaelis pro omnibus seruiciis consuetudinibus exactionibus curie sectis hundredis et de mandis secularibus Et ego supradictus Willelmus de Mortuomari et heredes mei warantizabimus acquietabimus et defendemus predictas tres pecias terre cum pertinenciis supradicto Robert Walays et heredibus suis siue suis assingnatis quibuscunque per predictum seruicium contra omnes in perpetuum In cuius rei testimonium presenti scripto sigillum meum apposui Hiis testibus Waltero de Bernham Nicholao de Carlton Henrico de Hapehage Henrico de Brandone Rogero le Estrange de Corston Johanne filio Thome clerici de Kemberle Willelmo Noz de Bernham Ricardo Bainard de eadem et aliis