Charter Document - 08040380
| Charter Number: | 08040380 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1216 - 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Scalis filius Rogeri de Scalis concessi et dedi et hac mea presenti carta confirmaui Ricardo filio Reineri de Tileneia et heredibus suis pro homagio suo quod mihi fecit de feodo et pro centum solidis sterlingorum quos mihi dedit in gersuma totam terram que fuit Adam filii Maineri de Tileneia in campo qui uocatur Westneulond que iacet in latitudine inter feodum Fretherici de Caprauill et feodum prioris de Lewis et totam terram in eodem campo que fuit Willelmi filii Maineri inter feodum dicti Fretherici de Caprauill et feodum dicti prioris Tenendam et habendam de me et de meis heredibus reddendo inde annuatim mihi et heredibus meis quinque denarios de censu scilicet ad Pascha floridum duos denarios et ad festum sancti Johannis Baptiste duos denarios et ad festum sancti Michaelis unum denarium et ad wardam de Douere unum denarium ad festum sancte crucis in Maio et ad scutagium domini Regis quando venerit in soka de Ilsington unum denarium ueniat plus ueniat minus libere quiete et hereditarie pro omnibus seruiciis consuetudinibus auxiliis et de mandis Et ego predictus Robertus de Scalis et heredes mei warantizabimus predictas terras [cum] pertinentiis predicto Ricardo et heredibus suis contra omnes gentes per predictum seruicium Hiis testibus Roberto camerario Roberto de Sculham Alano filio Adam Ricardo et Reginaldo fratribus suis Willelmo filio Godefridi Simone Johanne Ricardo et Petro fratribus suis Willelmo de Fenne Galfrido filio Walteri Eudone Norensi et aliis