Charter Document - 08040373
| Charter Number: | 08040373 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1222 - 1232 |
| Date type: | Assigned |
| Resource Link(s): |
|
Charter:
Sciant presentes et futuri quod ego Theobaldus de Marines filius Werrici de Marines dedi concessi et presenti carta confirmaui Willelmo filio Benedicti de London pro seruicio suo homagium et totum seruicium quod habui de terra quam Johannes de Marines frater meus tenuit de me in villa de Westuill et undecim solidos et iiij denarios quieti redditus quos idem Johannes mihi solebat reddere per annum de eadem terra quam terram Werricus pater meus mihi dedit in eadem villa soluendos hiis terminis scilicet ad festum sancti Mikaelis v solidos et viij denarios et ad Pascha v solidos et viii denarios saluis tam dicto Willelmo et heredibus suis uno speruario uel duobus solidis per annum quos dominus Hugo de Marines frater meus aliquando habuit de seruicio dicte terre extra predictos undecim solidos et iiij denarios redditus et eos dedit dicto Willelmo et heredibus suis integre ad habendum in perpetuum scilicet quicquid in dictis seruicio et redditu habui uel habere potui in auxiliis racionabilibus in releuiis et escaetis et in omnibus aliis rebus nominatis et non nominatis in cunctis locis suis aliqua diminutione Habendos et tenendos dicto Willelmo et suis assignatis et heredibus eorum de me et heredibus meis hereditarie libere et quiete bene et in pace in perpetuum Reddendo inde annuatim mihi et heredibus meis unam libram cimini uel duos denarios infra quintanam sancti Michaelis sine occasione cum pro eo miserimus per certum nuncium nostrum Ita quod ego Teodbaldus nec heredes mei nec aliquis per nos uel pro nobis in omnibus predictis nichil amplius poterimus habere exigere nec clamare in perpetuum quam predictum seruicium Hec omnia predicta ego Teodbaldus et heredes mei dicto Willelmo filio Benedicti et heredibus suis et eorum assignatis et heredibus eorum warantizabimus defendemus et acquietabimus uersus capitales dominos feodi et versus omnes gentes de omnibus seruiciis et exactionibus Pro hac igitur mea donacione concessione warantizacione defensione acquietacione et huius carte confirmacione dedit mihi dictus Willelmus filius Benedicti sex marcas et dimidiam argenti Et ut hec mea donacio concessio warantizacio defensio et acquietacio et huius carte confirmacio firma et stabilis permaneat huic scripto sigillum meum apposui Hiis testibus Albrico de Marines Petro de Marines nepote suo Michaele magistro de Westuill Galfrido clerico Gadesterdei tunc seruiente cancellarii de Westuill Rogero du Bek Galfrido filio clerici Henrico de Watham de London Ren cissore Radulfo fabro monacorum Ricardo cordewan Reginaldo Flawner Waltero Chaperun Ricardo marescallo Willelmo Curtais Roberto Kole Albino filio Alani Willelmo de Lenne Johanne de Cobeham Reginaldo fratre suo Peetria de Norwic