Charter Document - 08040367

Sciant presentes et futuri quod ego Ricardus de Cumbe dedi et concessi et hac presenti carta mea confirmaui Thome filio Philippi de Hynewude unam virgata terre cum omnibus pertinentiis suis in Phiteletone in liberum maritagium cum Alicia sorore mea scilicet illam virgata terre quam Rannulfus filius Eue tenuit Habendam et tenendam de me et de heredibus meis predicto Thome et heredibus suis de predicta Alicia procreatis libere et quiete honorifice et pacifice in omnibus locis ab omni seruicio et exactione ad me uel ad heredes meos pertinente saluo regali seruicio Preterea dedi et concessi predicto Thome et heredibus suis de predicta Alicia procreatis in perpetuum et hereditarie super dominicam pasturam meam de Fitelton sexaginta bidentes matrices cum bidentibus meis matricibus uel heredum meorum sub custodia mea uel heredum meorum et in ouili meo uel heredum meorum scilicet libere et quiete de herbagio et de omni exactione et saluis exitibus predictarum sexaginta bidentium remanentibus predicto Thome et heredibus suis de predicta Alicia procreatis scilicet in agnis et lacte et lana et octo boues et duos affros super pasturam de Fiteletone cum dominicis bobus et affris meis uel heredum meorum quietos de herbagio et viginti porcos superannatos cum exitibus eorum in dominicis campis meis de Fiteletone quietos de pannagio et herbagio Preterea dedi et concessi predicto Thome et heredibus suis de predicta Alicia procreatis ut habeant communem pasturam de Fiteletone cum hominibus eiusdem uille scilicet tantum quantum pertinet ad unam virgata terre in Fiteleton Et ut hec donacio mea et concessio et carte mee confirmacio rata permaneat et inconcussa hanc cartam meam imposicione sigilli mei corroboraui Hiis testibus Ricardo de Heird Matheo de Scures Henrico de Ferli Ricardo Makerel Henrico de Bouill Gregorio Wastehuse Simon de Fifhide Stephano de Bricdmarestone Johanne de Niperauene Willelmo Trenchefuill Waltero de Hull Johanne de Heird clerico et multis aliis