Charter Document - 08040365
| Charter Number: | 08040365 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1145 - 1165 |
| Date type: | Assigned |
| Resource Link(s): |
|
Charter:
Willemus de Merlai omnibus suis hominibus et amicis et uicinis clericis et laycis Francigenis et Angligenis necnon et omnibus dilectis filiis sancte matris ecclesie salutem Notum sit uobis et omnibus tam presentibus quam futuris ad quorum noticiam et audientiam littere iste peruenerint me et meos homines dedisse et concessisse in perpetua elemosina unam carucatam terre domui infirmorum de Morpathe pro animabus patrum et matrum et antecessorum nostrorum et nostra salute et pro remissione omnium peccatorum nostrorum tam libere et tam quiete quam liberius et quietius ulla domus infirmorum potest habere uel habet in tota Anglie suarum donationem elemosinarum uel sicut ulla elemosina melius et liberius et quietius ullo modo potest tribui et concedi et perenniter donata haberi Istam autem donationem meam et meorum hominum fieri et teneri et haberi sicut perenne elemosinam perenniter concedo et cartule huius inscriptione et sigilli mei adtestatione confirmo Testibus istis Petro de Morpathe Helya sacerdote Gaufrido parchier Waltero de Rochesbore Aldret de Windegate Raignaldo filio Wulfoe Petro ianitore Radulfo filio Soleman Nicholao Willelmo molendinario Grimbaldo de Runcheuill Solema de Morpatd Alano sutore Roberto de Belm Rogero de Merlai Adam de Plaiseit Roberto filio Petri Willelmo de Cliftonia