Charter Document - 08040362

Sciant omnes sancte matris ecclesie filii presentes et futuri Anglici et Walenses quod ego Walterus de Cliford filius Walteri de Cliford dedi et concessi assensu uxoris mee Agnetis et heredum meorum et consilio legalium hominum meorum pro anima mea et uxoris mee et pro animabus patrum et matrum nostrarum et omnium predecessorum et successorum nostrorum deo et ecclesie sancte Marie de Dora et abbati et monachis ibidem deo seruientibus in puram liberam et perpetuam elemosinam locum de Nantegliis cum omnibus pertinentiis suis ex utraque parte riuuli qui uocatur Kaleturbohchan scilicet supra prenominatum locum de Nantegliis ex utraque parte riuili sursum usque ad Epint et subtus ex una parte predicti riuuli usque ad locum ubi Nantkarntathereth cadit in Kaletur et ex alia parte Kaletur usque ad locum ubi Nantmanach cadit in Kaletur et ita totam terram in bosco et in plano infra Nantmanach et Kaletur bochan usque ad caput Nantmanach quod est inter Wuritkej et Epint sicut Nantmanach descendit usque in Kaletur Et preterea dedi et concessi antedictis monachis totam terram in bosco et in plano ultra Kaletur maur sicut Kaletur maur descendit ab Epint usque in Waiam et usque ad fines de Buelt scilicet per uiam a Mennelin usque ad Erinwedhauc et a Erinwedhauc usque ad Nantlechdunant et sicut Nantlechdunant cadit usque in Waiam Omnes istas terras quas supra nominavi dedi et concessi antedictis monachis in puram liberam et perpetuam elemosinam in bosco et in plano in pratis et pascuis in viis et in semitis in stagnis in aquis et molendinis ad assartandas claudendas excolendas et fossendas et secundum beneplacitum eorum tractandas libere et quiete ab omni seruicio seculari et exactione que ad dominum pertinent uel pertinere possunt et si aliquod seruitium euenerit ego et heredes mei predictos monachos acquietabimus Volo autem ut predicti monachi habeant et teneant predictas terras in puram liberam et perpetuam elemosinam bene et in pace libere et quiete honorifice et plenaria integre et inconcusse cum omnibus libertatibus et liberis consuetudinibus ad predictas terras pertinentibus et ut predicti monachi de supradictis terris in bosco et in plano in pratis et pascuis in uiis et in semitis in stagnis in aquis et molendinis omne beneplacitum suum faciant et tam boscum quam planum secundum uelle suum tractent Si autem fere de foresta mea uel aliunde infra supradictas terras monachorum transierint uenatus meus erit et si ancipiter nidum suum ibi fecerit nidus meus erit Si autem aliqui in supradictis terris aliquod ius uel aliquam libertatem clamauerint ego et heredes mei predictos monachos acquietabimus et warantizabimus Et si aliqui in predictis terris uel pascuis monachorum contra voluntatem eorum per uim uel aliquam uiolentiam intrare uoluerint ego et heredes mei omnes predictas terras monachorum tanquam terras meas dominicas et forestam meam dominicam defendemus et warantizabimus Pro ista autem concessione et confirmatione dederunt mihi predicti monachi in introitu centum marcas et unum equum Et quia uolo quod hoc ratum et inconcussum permaneat inperpetuum presenti scripto et sigilli mei inpressione confirmaui His testibus Waltero abbate de Sancto Domuele tunc electo Meneuensi Willelmo de Breosa et Willelmo iuniore filio suo Ricardo de Cliford Reginaldo de Baalun et Johanne filio suo Ricardo decano de Hereford magistro Symone Roberto de Cliford Roberto Folet canonicis de Hereford et toto eiusdem loci capitulo Reginaldo Folet Willelmo de Cliford Willelmo de Burchulla et Pagano filio eius Dauid de Burchulla Willelmo de Weldebus Willelmo de Bosco Hugone de Dunra Gileberto de Mauns Johanne del Puer Waltero de Trauellee Ricardo iuniore de Aberleueni Johanne filio Radulfi Simone de Cliford Philippo Bras Madoc Bohchan Henrico de Penketlin Driu de Hida Gaufrido priore de Dora Henrico subpriore Stephano monacho Hugone et Osmundo conuersis et multis aliis