Charter Document - 08040360
| Charter Number: | 08040360 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1204 |
| Date type: | Internal, Calendar, Regnal |
| Resource Link(s): |
|
Charter:
Johannes dei gratia rex Anglie dominus Hybernie dux Normannie Aquitanie et comes Andegavie archiepiscopis episcopis abbatibus comitibus baronibus justiciariis vicecomitibus prepositis et omnibus balliuis et fidelibus suis salutem Sciatis nos concessisse et presenti carta nostra confirmasse deo et beate Marie de Boxeleia et abbati et monachis ibidem deo seruientibus racionabiles donationes subscriptas scilicet ex dono et concessione Aluredi de la Gare totum mariscum de Scerpenesse qui fuit ipsius Aluredi qui iacet inter Medewaye et Scepfliet et Holfliet et inter mariscum Cecilie de Scapeia cum piscariis et omnibus pertinentiis suis et omnibus aysiamentis Ex dono et concessione Willelmi filii Gocelini totum mariscum de Scerpenesse qui fuit ipsius Willelmi qui iacet inter mariscum Aluredi de la Gare et mariscum qui fuit Roberti de Leyburne in orientali parte cum sexaginta ouibus ad eundem mariscum pertinentibus et cum omnibus pertinentiis suis et aysiamentis Ex dono et concessione Willelmi Wayfier totum mariscum de Sarpenesse qui fuit ipsius Willelmi cum omni satura mento quod portare potest et cum omnibus pertinentiis suis et aysiamentis Ex dono et concessione Warini filii Warini totum mariscum de Sarpenesse qui fuit ipsius Warini cum toto satura mento et cum omnibus pertinentiis suis et aisiamentis sicut carte predictorum donatorum quas inde habent rationabiliter testantur Q[uare volumus] et firmiter precipimus quod predicti abbas et monachi habeant et teneant predictos mariscos cum omnibus pertinentiis suis b[ene et] in pace libere et quiete et integre in omnibus locis et rebus cum omnibus libertatibus et liberis consuetudinibus ad mariscos [illos] pertinentibus sicut predictum est et quod decetero non adquirant in manerio illo aliquod tenementum sine licentia et consensu nostro et quod decimaciones inde parochiali ecclesie integre persoluant et debita seruicia inde faciant que in cartis predictorum donatorum continentur Testibus Galfrido filio Petri comite Essex Willelmo comite Sar Willelmo de Breosa Roberto filio Rogeri Willelmo Briwerr Hugone de Neuill Roberto de Veteri ponte Willelmo de Cantilupo Data per manum domini Seffrid Cicestrensis electi apud Winton tertio die Maii anno regni nostri quinto