Charter Document - 08040339
| Charter Number: | 08040339 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1284 |
| Date type: | Internal, A.D., Calendar, Episcopal |
| Resource Link(s): |
|
Charter:
Frater Johannes permissione diuina Cantuariensis ecclesie minister humilis tocius Anglie primas nobili domine et filie in Christo karissime domine Ele Longspe comitisse Warwik salutem gratiam et benedictionem Inter cetera caritatis et pietatis opera laudum gratiarumque libamina quibus tua deuotio occupata refertur ex animarum zelo potissime placabiliorem credentes altissimum inueniri teque ob hoc fauore et gratia specialiter prosequentes omnia et singula caritatis et pietatis suffragia tibi tam viue quam mortue canonice concessa aut concedenda a quibuscunque religiosis nobis lege metropolitica vel dioecesana subiectis necnon indulgencias quascunque a quibuscunque catholicis episcopis tibi in forma concessas canonica vel concedendas in posterum approbantes tenore presencium confirmamus In cuius rei testimonium sigilli nostri munimine presentes fecimus inperpetue et sic geste rei memoriam roborari Datum apud Eynesham kalendas Nouembris anno gratie millesimo ducentesimo octogesimo quarto et ordinacionis nostre sexto