Charter Document - 08040330
| Charter Number: | 08040330 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1154 - 1189 |
| Date type: | Assigned |
| Resource Link(s): |
|
Charter:
Willelmus de Curcun de Keteringham omnibus hominibus suis et amicis presentibus et futuris salutem Sciatis me concessisse et hac carta mea confirmasse Willelmo cognato meo de Stanfeld tres toftas in Keteringham cum omnibus pertinentiis suis quas Rogerus frater meus dedit ei has scilicet Stubardestoft et toftam Gileberti et Capellemes tofto et unam acram terre iuxta domum Turkilli que uocatur Thoraldes toft et duas acras quas pater eius tenuit de patre meo illas scilicet que uocantur Aielmeres toft riding Tenebit autem predictus Willelmus de Stanfeld et heredes sui iure hereditario de me et de heredibus meis honorifice libere et quiete omnes predictas terras reddendo inde mihi et heredibus meis annuatim vj denarios et duos capones ad hos terminos scilicet ad Pascha iij denarios et ad festum sancti Michaelis iij denarios et ad Natale duos capones Et sciendum est quod predictus Willelmus de Stanfeld debet defendere omnes predictas toftas aduersus dominum nostrum regem aduersus uicecomitem et aduersus prepositum et hundredum et aduersus supremum dominum de omnibus rebus et seruiciis que ad eos pertinent His testibus Bartholomeo de Creg Willelmo de Sancto Audomare Petro Waltero Hugone de Dunest Willelmo filio Gaufridi Ricardo de Bermingham Willelmo persona de Fundehale Gaufrido de Melt Radulfo de Karlet Matheo fratre eius Roberto de Karlet Roberto filio Ricardi de Wimundham Rogero fratre eius Nigello clerico