Charter Document - 08040326
| Charter Number: | 08040326 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1216 - 1272 |
| Date type: | Assigned |
| Resource Link(s): |
|
Charter:
Sciant presentes et futuri quod ego Thomas Crawe miles de Radestun concessi dedi et hac presenti carta mea confirmaui deo et beate Marie et monachis de Sybetun in liberam puram et perpetuam elemosinam Baldewinum Juliene de Randistun villanum meum cum tota sequela sua et omnibus catallis et rebus suis ut dicti monachi habeant et teneant predictum Baldewinum cum tota sequela sua et omnibus catallis suis et rebus libere quiete bene et in pace et integre ac honorifice solutus et quietus ab omni clamio et calumpnia mei et heredum meorum in perpetuum Et ego et heredes mei vel assignati mei warantizabimus prefatis monachis supradictum Baldewinum cum omnibus predictis contra omnes in perpetuum In cuius rei testimonium presenti carte sigillum meum est appensum Hiis testibus Roberto de Randistun Willelmo de Gosewaude Ricardo de la Bruere Rogero filio Willelmi Thome Moelin Rogero Cokerel Adam Daniell Adam del fen de Palegraue Willelmo Adam de Stustun et aliis