Charter Document - 08040325
| Charter Number: | 08040325 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 - 1202 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis notum sit quod ego Hugo prior de Acra et conuentus eiusdem loci communi assensu ad peticionem Rogeri de Huntingfeld concessimus ut nullus prior de Mendham deponatur nisi tribus de causis scilicet inobediencia siue incontinencia uel dilapidacione domus Et si ita euenerit quod deus auertat quod pro aliqua predictarum causarum deponi debeat hoc erit consilio nostro et conuentus nostri et aduocati prenominati loci et conuentus de Mendham Quod si causa manifesta fuerit et in deposicione illius nos et aduocatus non consenciamus per episcopum et clericatum et bonos uiros deponatur Ad instituendum priorem in predicto loco communi consilio nostro et predicti aduocati priorem idoneum instituemus Concessimus etiam ut octo monachi uiri honesti ad minus in perpetuum in eodem loco deo seruiant quorum quatuor de claustro nostro illuc transmittentur Si unus eorum decesserit loco defuncti fratrem de claustro nostro illuc transmittemus Si quis ad succurrendum metu mortis se loco prenominato dederit illuc recipietur Sanus autem si quisquam illic recipi uoluerit non sine nostra licencia recipietur et in claustro nostro de ordine edoctus si uoluerit reuertatur et tota catalla sua remaneant apud Mendham Cum autem dono diuino domus illa ceperit ampliari quo ualeat conuentus sustentari et ordo seruari liceat eis monachos recipere apud Mendham propria auctoritate sua Si quis illic in obediencia necessarius fuerit non amouebitur per nos nisi euidenti causa et nostra necessitate Hiis testibus Willelmo decano de Redhale magistro Ricardo de Sotesham Petro Waltero Roberto filio Roscel Ingerano de Ginnei Willelmo Britone Willelmo filio Horoldi Eustachio senescallo Willelmo senescallo Ricardo portario Willelmo de Warez Alexandro de pistrino Roberto marescallo et multis aliis