Charter Document - 08040317
| Charter Number: | 08040317 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1198 - 1235 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus filius Walteri dedi et concessi et hac presenti carta mea confirmaui Waltero parkario de Hubestun pro homagio et seruicio suo sex acras terre arabilis et dimidiam in villa de Hubestun cum pertinenciis jacentes inter terram eiusdem Walteri et abutantes super terram Walteri filii Adgari tenendas et habendas sibi et heredibus suis de me et heredibus meis libere et quiete plenaria et integre hereditarie per liberum seruicium octodecim denariorum mihi uel heredibus meis annuatim reddendorum ad duos terminos anni ad festum sancti Michaelis nouem denarios et ad Pascha nouem denarios pro omnibus seruiciis consuetudinibus et exaccionibus saluo seruicio domini regis Pro hac autem donacione et concessione et huius presentis carte mee confirmacione predictus Walterus dedit mihi viginti solidos in gersumam Quare volo quod hec mea donacio et mea concessio rata et inconcussa permaneat presentem cartam sigilli mei apposicione corroboraui Hiis testibus Henrico de Alneto Waltero de Valeines tunc temporis senescallo Radulfo de Essendun Roberto de Cimap Rogero persona de Bernigham Ricardo de Wimbisse Willelmo camerario Nicholao filio Roberti Roberto filio Reginaldi Ricardo filio Walteri Waltero de Essendun Rogero clerico huius carte scriptore et multis aliis