Charter Document - 08040309

Sciant presentes et futuri quod ego Johannes de Bello campo dedi et concessi et hac presenti carta confirmaui Huberto de Brisewithe pro homagio et seruicio suo triginta et unam acram terre mee in villa mea de Roinges et totum messuagium quod Ricardus Akerman tenuit de me Et sciendum quod quatuor decem acre et dimidia acra iacent in croftis quas idem Ricardus tenuit de me et una acra et dimidia iacent in campo apud Wic inter terram ecclesie de Roinges et inter terram Roberti Oselur et quindecim acre iacent inter terram quam Ricardus Wygod tenuit et inter defensum meum et totam grauam que uocatur la Ho Habendas et tenendas de me et de heredibus meis sibi et heredibus suis libere quiete integre bene et in pace in feudo et hereditate in viis in semitis in sepibus in antris in pascuis in introitibus et in exitibus cum omnibus pertinenciis et libertatibus suis predicto tenemento pertinentibus Reddendo inde per annum mihi et heredibus meis ipse et heredes sui tresdecem denarios scilicet ad Pasca sex denarios et obulum et ad festum sancti Michaelis sex denarios et obulum pro omnibus seruiciis et exactionibus saluo seruicio domini Regis scilicet ad scutagium quando euenerit per Angliam due marce de feudo unius militis tunc predictus Hubertus et heredes sui dabunt duodecim denarios et ad plus plus et ad minus minus Ego autem Johannes de Bellocampo et heredes mei warantizabimus prenominato Huberto et heredibus suis totas prenominatas terras et predictam grauam cum omnibus suis pertinenciis contra omnes homines et feminas per predictum seruicium Pro hac autem mea donacione et concessione et huius carte mee confirmacione et sigilli mei impressione dedit mihi prenominatus Hubertus viginti et quinque libras sterlingorum in gersummam Hiis testibus Willelmo Bretun Willelmo de Herlaue Galfrido de Herun militibus Roberto de Roinges Roberto de Cranele Willelmo de Boseuill Hugone de Bellocampo Roberto de la More Roberto Bramwod Waltero filio Ricardi Stefano de Plesingho Thome de Fifide et multis aliis