Charter Document - 08040306
| Charter Number: | 08040306 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1203 - 1216 |
| Date type: | Assigned |
| Resource Link(s): |
|
Charter:
Sciant presentes et futuri quod ego Herbertus de Alencon filius Willelmi de Alencon concessi et presenti carta mea confirmaui deo et ecclesie sancte Marie et monachis de Sibeton totam terram quam Ricardus Turgis eis dedit de feodo meo ut ipsi monachi eam habeant et teneant bene et in pace libere et quiete integre cum omnibus pertinentiis et libertatibus ad eandem terram spectantibus in liberam et perpetuam elemosinam sicut predictus Ricardus eis dedit et carta sua confirmauit Et liceat eisdem monachis facere de eadem terra sicut de dominica et libera elemosina sua dare vendere et assignare libere et licite cuicunque uoluerint Et ego et heredes mei nullam districtionem molestiam uel grauamen faciemus eisdem monachis uel cuicunque terram predictam dederint uel aliquo modo assignauerint pro defectu alicuius seruitii quod prenominatus Ricardus uel heredes sui debent mihi et heredibus meis facere nisi tantum pro scutagio domini regis scilicet xij denariis siue plus siue minus fuerit si ipse Ricardus et heredes sui defecerint in soluendo Testibus Stephano presbitero Normanno de Pesehall Radulfo filio eius Waltero Malet Willelmo de Falesh Willelmo Gaufrido filio eius Baldewino de Charnell Roberto Jurd Gaufrido filio eius Rannulfo cementario