Charter Document - 08040287
| Charter Number: | 08040287 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1154 - 1189 |
| Date type: | Assigned |
| Resource Link(s): |
|
Charter:
Radulfus de Eldeham omnibus fidelibus et amicis sancte ecclesie et suis salutem Sciatis me concessisse deo et ecclesie Cant in perpetuam elemosinam terram quandam que iacet iuxta murum curie monachorum a parte aquilonari quam Elfwinus Euerga et heredes sui de me tenebant et sex denarios de gablo mihi annuatim inde reddebant Hanc itaque terram pro salute anime mee et parentum meorum defunctorum et pro salute heredum meorum tam presentum quam futurorum dedi et concessi ecclesie Christi Cantuariensis et monachis in ea deo seruientibus ita quiete et libere in perpetuum possidendam sicut eam melius et liberius unquam habui Et rogo omnes heredes meos et successores ut hanc donationem meam quam feci pro salute anime mee et animarum suarum ratam habeant et semper in posterum stabilem et firmam esse faciant Valete