Charter Document - 08040248
| Charter Number: | 08040248 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1231 - 1235 |
| Date type: | Assigned |
| Resource Link(s): |
|
Charter:
Notum sit omnibus hoc presens scriptum inspecturis quod ego Maelgun filius Maelgun filii Resi assensu uxoris mee Agharat et Resi heredis mei pro salute anime mee et omnium antecessorum et successorum meorum dedi et concessi et hac presenti carta mea confirmaui monachis de Dora specialibus fratribus et amicis meis et omnibus ad eos pertinentibus liberum transitum ingressum et egressum per totam terram meam cum omni pace et securitate mea et heredum meorum in perpetuum In super concessi eis pro me et heredibus meis liberam piscariam marinam per totam terram meam ad opus ipsorum absque ulla contradictione vel seculari exactione Preterea domum ipsam de Dora et omnia loca sua cum omnibus catellis et rebus eorum suscepimus in specialem proteccionem nostram pro me scilicet et heredibus meis in perpetuum ne scilicet aliquis eis molestiam inferat de tota terra mea Immo si aliquis de dominio meo ipsis molestiam inferre presumpserit ego et heredes mei plenarium inde iustitiam exhibemus In huius rei testimonium presenti scripto sigillum meum apposui