Charter Document - 08040215
| Charter Number: | 08040215 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 - 1200 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Basilia filia Galfridi filii Herlewini et heredes mei dedimus et concedimus et hac carta confirmamus domino deo et sancte Marie et monialibus de Langeleia in perpetuam et liberam et quietam elemosinam portionem meam in piscariis in mariscis Stoc scilicet in Sumerdeswere et de Lueswere cum pertinentiis hoc modo quod moniales locent piscaria ubi et cui uiderint fidelius et melius esse locanda et ex eis accipiant ad opus suum et usum dimidium millene anguillarum et si aliquid amplius de eis haberi possit per manus monialium ad me uel heredes meos redeat et nostro consilio locabitur ubi fidelius et melius locari poterit His testibus Daniele presbitero de Bugetun Willelmo sacerdote de Letune Ricardo persona de Stradessete Ranulfo clerico de Wattona Roberto filio Seman de Stradesete Willelmo Wlleis Roberto sur leit Gerardo de Felebrigga Hulf Ketel Ruffo de Wertona