Charter Document - 08040213
| Charter Number: | 08040213 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1150 - 1159 |
| Date type: | Assigned |
| Resource Link(s): |
|
Charter:
Willelmus comes Gloecestrie suo dapifero omnibusque suis baronibus et hominibus atque fidelibus Francis [et] Anglis salutem Sciatis me dedisse Ranulfo filio Geroldi xij libratas terre apud Grentendenam pro suo seruicio in bosco et plano et pratis et pasturis et in aliis aisiamentis cum donatione ecclesie quantum sue terre pertinet tenendas in feodo et hereditate de me et heredibus meis sibi et heredibus suis Et uolo atque precipio quatinus illas bene et in pace libere et honorabiliter teneat Et si aliquis hanc predictam terram uersus Rannulfum calumpniatus fuerit et non possim eam illi acquietare suum escambium ipsi Rannulfo inde de meo dominico dabo antequam de sua predicta terra dissaisiatur Et de hiis xij libratis terre de Grentendena et de viij libratis terre de Toppesfelda faciet mihi Rannulfus seruicium unius militis Testibus Hath comitissa Hamone fratre comitis Huberto dapifero Gregorio filio Roberti Roberto de Almeri dapifero magistro Guarino Adam de Ely Picardo et Henrico Tusardo clericis Alano de Warnestco Ricardo de Sancto Quint Roberto de Maisi Roberto de Gunnouilla Roberto de Greinuilla Roberto de Euerci et Roberto eius fratre Ricardo de Cardi Simone eius fratre Gisleberto de Almeri Waltero de Wicha Ada accipitrio Ranulfo filio Ricardi Rogero Witeng apud Bristou