Charter Document - 08040212

Noscant omnes hanc esse confederationem amoris inter Robertum comitem Gloecestrie et Milonem comitem Herefordie Robertus comes Gloecestrie asse curavit Milonem comitem Herefordie fide et sacramento quod custodiet illi pro toto posse suo et sine ingenio suam uitam et suum membrum et terrenum suum honorem et auxiliabitur illi ad custodiendum sua castella et sua recta et sua hereditaria et sua tenementa et sua conquisita que modo habet et que faciet et suas consuetudines et rectitudines et suas libertates in bosco et in plano et aquis et quod sua hereditaria que modo non habet ei auxiliabitur ad conquirendum Et si aliquis uellet inde comiti Hereford malum facere uel de aliquo decrescere si comes Hereford uellet inde guerrare quod Robertus comes Gloecestrie cum illo se teneret et quod ad suum posse illi auxiliaretur per fidem et sine ingenio Nec pacem neque trewias cum illis haberet qui malum comiti Herefordie inferrent nisi per bonum uelle et grantum comitis Hereford et nominatim de hac guerra que modo est inter imperatricem et regem Stephanum se cum comite Hereford tenebit et ad unum opus erit et de omnibus aliis guerris Et in hac ipsa confederatione amoris affidauit comitissa Gloecestrie quod suum dominum in hoc amore erga Milonem comitem Hereford pro posse suo tenebit et si inde exiret ad suum posse illum ad hoc reponeret Et si non posset legalem recordationem si opus esset inde faceret ad suum scire Et de hac conuencione firmiter tenenda ex parte comitis Gloecestrie sunt hii obsides per fidem et per sacramenta erga comitem Hereford hoc modo quod si comes Gloecestrie de hac conuentione exiret dominum suum comitem Gloecestrie requirerent ut se erga comitem Hereford erigeret et si infra xl dies se nollet erga comitem Hereford erigere se comiti Hereford liberarent ad faciendum de illis suum uelle vel ad illos retinendum in suo seruitio donec illos quietos clamaret uel ad illos ponendum ad legalem redempcionem ita ne terram perderent Et quod legalem recordationem de hac conuencione facerent si opus esset Guefridus de Walteriuill Ricardus de Greinuill Osbernus Octdeners Reinaldus de Cahagnis Hubertus dapifer Odo Sorus Gislebertus de Vnfranuill Ricardus de Sancto Quintino Et ex parte Milonis comitis Hereford ad istud confirmandum concessit Milo comes Hereford Roberto comiti Gloecestrie Mathielum filium suum tenendum in obsidem donec guerra inter imperatricem et regem Stephanum et Henricum filium imperatricis finiatur Et interim si Milo comes Hereford uoluerit aliquem alium de suis filiis qui sanus sit in loco Mathieli filii sui ponere recipietur Et postquam guerra finita fuerit et Robertus comes Gloecestrie et Milo comes Hereford terras suas et sua recta rehabuerint reddet Robertus comes Gloecestrie Miloni comiti Hereford filium suum Et tunc de probis hominibus utriusque comitis considerabuntur et capientur obsides et securitates de amore ipsorum comitum tenendo in perpetuum Et de hac conuencione amoris Rogerus filius comitis Hereford affidauit et iurauit comiti Gloecestrie quod patrem suum pro posse suo tenebit Et si comes Hereford inde uellet exire Rogerus filius suus inde illum requireret et inde illum corrigeret et si comes Hereford se inde erigere nollet seruitium ipsius Rogeri filii sui prorsus perdet donec se erga comitem Gloecestrie erexisset Et de hac conuencione ex parte comitis Hereford sunt hii sui homines obsides erga comitem Gloecestrie per fidem et per sacramenta hoc modo quod si comes Hereford de hac conuencione exiret dominum suum comitem Hereford requirerent ut se erga comitem Gloecestrie erigeret et si infra xl dies se nollet erga comitem Gloecestrie erigere se comiti Gloecestrie liberarent ad faciendum de illis suum uelle uel ad illos retinendum in suo seruitio donec illos quietos clamaret uel ad illos ponendum ad legalem redempcionem ita ne terram perderent Et quod legalem recordationem de hac conuencione in curia facerent si opus esset Robertus Corbet Willelmus Mansel Hugo de Lahese