Charter Document - 08040208
| Charter Number: | 08040208 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1278 |
| Date type: | Internal, Feast, Regnal |
| Resource Link(s): |
|
Charter:
Memorandum quod in festo sancti Michaelis anno regni regis Edwardi sexto incipiente septimo ita conuenit inter magistrum Rogerum de Martiuall et dominam Isabellam que fuit uxor domini Nicholai de Martiuall videlicet quod idem Rogerus concessit eidem Isabelle ut ea possit claudere et sepire in bosco suo de Gouteby illam placeam in Mirihurst que fuit abasa a biennio ad tunc elapso ad terminum trium annorum proximo sequentium Et si contingat infra eundem terminum aliqua aueria predicti Rogeri predictam placeam pro defectu clausture intrare quod non ex hoc inparcentur neque inuadentur Termino uero trium annorum elapso liceat dicto Rogero et heredibus suis predictam clausturam circumquaque infringere et ad libitum cum omnimodis aueriis suis predictam placeam intrare et depascere sine aliqua dicte Isabelle seu alterius cuiuscunque ex parte sua contradictione uel impedimento Pro hac autem concessione concessit predicta Isabella predicto Rogero unam chaciam ad omnimoda aueria sua in campo de Gouteby latitudine triginta pedum ab aque ductu que vocatur Lipping usque ad campum de Gloriston eodem loco quo dominus Anketinus de Martiuall aliquando eam habuit ad terminum trium annorum in quibus idem campus fuerit seminatus Dampna uero si qua fuerint facta in bladis dicte Isabelle iuxta dictam chaciam per aueria predicti Rogeri idem Rogerus eidem Isabelle secundum uisum et consideracionem bonorum et legalium virorum restituet et emendabit et post eundem terminum elapsum liceat predicte Isabelle predictam chaciam resumere et eam sibi appropriare ita quod ex tunc annis quibus idem campus seminatur predictum Rogerum ab ea omnino excludat a termino seminacionis usque post blada asportata nisi ad tunc aliter tam de dicta bosci claustura quam de eadem chacia inter eos sit conuentum et ordinatum In cuius rei testimonium huic scripto in modum cyrographi confecto sigilla sua alternatim apposuerunt Hiis testibus Willelmo de Boyuilla tunc vicecomite Rotelondie Willelmo de la Haye de Keythorp Willelmo filio Nicholai de eadem Johanne filio Herberti de eadem Ricardo filio Willelmi de eadem Petro de Weston de Carleton Roberto filio Radulfi de eadem Henrico de Herwic Willelmo filio Marie de Iluiston et aliis