Charter Document - 08040203
| Charter Number: | 08040203 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1261 |
| Date type: | Internal, Feast, Regnal |
| Resource Link(s): |
|
Charter:
Anno regni regis Henrici filii regis Johannis quadragesimo quinto ad Pentecosten conuenit inter dominum Elerium abbatem Persore et eiusdem loci conuentus ex parte una et dominum Nicholaum Burdun militem ex altera in hunc modum uidelicet quod dicti abbas et conuentus remiserunt et quietum clamauerunt dicto Nicholao et heredibus suis perpetuo quicquid continetur infra clausum parci sui quod vocatur Merewode tali conditione quod dictus Nicholaus et heredes sui et successores et eorum assignati perpetuo renunciauerunt remiserunt quietum clamauerunt pro se et heredibus suis dicto abbati et conuentui et eorum successoribus perpetuo totum ius et clamium commune pasture quod habuerunt vel in posterum habere poterunt in Rugherugg ad quantitatem sexaginta acrarum cum portione eiusdem bosci que prius clausa fuit in propinquiori parte grangiarum de Hauekebur et distantiori parte de Aldebur Et liceat dictis abbati et conuentui totam predictam quantitatem de Rugherugg redigere in culturam quando voluerint et modo expeditiori quo poterint Concessit etiam idem Nicholaus pro se et heredibus suis et hominibus suis et successoribus et assignatis quod dicti abbas et conuentus edificent molendinum aquaticum cum pertinenciis apud Schafteleye Predictus etiam Nicholaus concessit pro se et heredibus suis et hominibus et suis successoribus et assignatis quod quantum colitur de pastura de Henhungr dictis abbati et conuentui et eorum successoribus perpetuo remaneat colendum cum quodam angulo eiusdem pasture qui se extendit versus Suanegraue inter duas culturas Item omnes purpresture occupationes et edificia ubicumque hinc inde prius occupata et in posterum apud Vpton occupanda perpetuo perseuerent absque reclamatione utriusque partis Preterea concessum est hinc inde fide interposita quod si forte contingat quod aliquis libere tenentium alterius partis se velit opponere extra pacem istam prelocutam neutra predicta pars prestabit consilium et auxilium in querela sua prosequenda si aliquam velit mouere Ratificat etiam dictus Nicholaus quoddam scriptum confectum inter Rogerum quondam abbatem Persore et Ricardum fratrem dicti Nicholai integre cum suo tenore in perpetuum cuius pars signo dicti abbatis signata cum dicto Nicholao residet Ut igitur hec conuencio et concessio perpetue firmitatis robur optineat utraque pars huic presenti scripto in modo cyrographi confecto sigilla sua apposuerunt Hiis testibus Matheo Besill Radulfo le Botiller Ricardo de Ripariis Willelmo Marmiun Waltero de Muchegros militibus Ricardo le Bret Hugone de la Grene Henrico de Liuet Jordano de Budeford Willelmo de Mathine Hugone de Killicot Roberto Eustachio Willelmo de Caldewell et aliis