Charter Document - 08040200
| Charter Number: | 08040200 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1185 - 1188 |
| Date type: | Assigned |
| Resource Link(s): |
|
Charter:
Dauid frater regis Scocie omnibus hominibus suis et amicis Francis et Anglis tam presentibus quam futuris salutem Sciatis me concessisse et hac carta mea presenti confirmasse Stephano de Heketon et Stephano filio suo donationem et concessionem quam Willelmus de Audre eis fecit et carta sua confirmauit de terra de Drachton que est de feudo regis Scocie fratris mei et meo et quam Rex Malcolmus eidem Stephano de Eketon prius dederat et unde idem Willelmus homagium eorum cepit coram me et in curia mea et unde ab eis cepit v marcas argenti et ad opus Matildis uxoris sue unam marcam argenti Quare uolo et firmiter precipio quod hec donatio et concessio coram me in curia mea facta stabilis et inconcussa et firma permaneat sine omni diminutione uel uexatione quam ipse Willelmus uel aliquis de successoribus suis uel heredibus suis inde faciat Testibus Hugone Ridel dapifero et Willelmo Burdet et Hugone Giffard et Willelmo de Rikespaud et Willelmo filio Emme et Waltero de Lindesia et Roberto de Wilebi et Roberto de Monasteriis et Thome clerico de Barton et Roberto fratre suo