Charter Document - 08040199
| Charter Number: | 08040199 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1180 - 1200 |
| Date type: | Assigned |
| Resource Link(s): |
|
Charter:
Sciant tam presentes quam futuri quod ego Adam de Cumptune concedente Odone filio et herede meo dedi et concessi et presenti carta confirmaui deo et sancte Marie et abbatie Quarrarie et monachis ibidem deo seruientibus donationem quam pater meus Odo Anglicus fecit predicte ecclesie Quararie terram scilicet quam Robertus Luuel tenuit Hanc terram dedi eis in puram et perpetuam elemosinam liberam et solutam ab omnibus terrenis seruiciis donis et auxiliis et exactionibus uniuersis et eam warantizare debemus ego et heredes mei contra omnes homines Ipsi uero monachi eam sicut alias terras suas sibi in usus proprios retinebunt nec alicui illam escambiabunt Hanc uero terram ita liberam predicte abbatie contuli sicut pater meus eam liberius tenuit saluo seruicio comitis Preterea concessi eis sufficientem pasturam habere centum ouibus suis et vij uaccas cum uitulis earum in comuni pastura sita de Cumptune Agni uero cum ablactati fuerint amoueantur uituli autem sint cum matribus per integrum annum et post anni circulum separentur Hiis testibus Willelmo filio Stur Rogero de Aula Roberto Trenchart Galtero de Insula Willelmo Maskerel Roberto de Sowell Roberto de Affetune et filiis eius Odone Willelmo et altero Willelmo et aliis multis uidentibus et audientibus