Charter Document - 08040198
| Charter Number: | 08040198 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1180 - 1186 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis tam presentibus quam futuris Rogerus de Saucesmara salutem Sciatis me concessisse et dedisse deo et hospitali sancti Johannis Baptiste in Biham pro dei amore et anime mee et uxoris mee et filiorum meorum et omnium antecessorum meorum salute in puram et perpetuam elemosinam unam bouatam terre cum omnibus pertinenciis suis illam uidelicet quam Tioldus tenuit et quam dominus meus Willelmus de Coleuill pro seruicio meo mihi dedit ad tenendum de me et heredibus meis libere quiete per iiii solidos annuatim reddendo mihi et heredibus meis pro omni seruicio ad nos pertinente saluo forinseco seruicio xij denarios ad Pasca et xij denarios ad festum sancti Johannis Baptiste xij denarios ad festum sancti Michaelis xij denarios ad natale domini Huius donacionis sunt testes Willelmus de Coleuill et Matildis sponsa eius Willelmus de Coleuill et Johannes et Henricus et Thomas illorum filii et Siluester de Hum et Petrus frater eius et Walterus de Amundeuilla et coniux eius et filii eorum Fulquinus de Alneto et eius filius Rogerus Willelmus de Peref et Gaufridus de Peref Simon de Blia et Warnerus et Unfridus et Sweinus et filius eius Sweinus lorimer Arnoldus pelliparius Angerus gardiner