Charter Document - 08040190
| Charter Number: | 08040190 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1180 - 1200 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis ad quos presens peruenerit scriptura Willelmus de Plumtun salutem Sciatis quod ego Willelmus de Plumt pro salute anime mee et Roberti fratris et heredis mei et antecessorum meorum dedi et hac mea carta confirmaui deo et ecclesie beate Marie de Wedun monachisque ibidem deo seruientibus capellam meam de Plumtun cum omnibus pertinenciis suis in obuencionibus et decimacionibus tam de meo dominio quam rusticorum in terris et pratis et pasturis in bosco et plano secundum tanti tenementi quantitatem Tenendam libere et quiete ab omni seculari exactione de me et heredibus meis in puram et perpetuam elemosinam saluo iure magistri Ricardi de Aissefordesbi qui eandem tenet capellam sub annua pensione quinque solidorum de eisdem monachis et tenebit quamdiu in seculari habitu fuerit et tenere uoluerit Postquam autem iam dicta capella in manibus monachorum predictorum peruenerit ipsi monachi plenarium et perpetuam administracionem cum corporum sepultura ut matrici ecclesie habere facient Hii sunt testes Alexander prior de Essebi Helias capellanus Willelmus vicarius de Wed Ricardus de West et Walterus frater eius Robertus Reuel Galfridus de Northine et Galfridus filius eius