Charter Document - 08040187
| Charter Number: | 08040187 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1166 - 1202 |
| Date type: | Assigned |
| Resource Link(s): |
|
Charter:
Radulfus de Boscheruilla omnibus presentibus et futuris salutem Sciatis me pro amore dei et pro anima mea et antecessorum et successorum meorum dedisse et concessisse et hac presenti carta mea confirmasse deo et ecclesie de Trentham et canonicis ibidem deo seruientibus in perpetuam elemosinam ecclesiam de Suton cum omnibus pertinentiis suis et libertatibus et capellis suis et cum magno mesagio et cum crofta iuxta illud mesagium et duas bouatas terre cum pertinentiis liberas ab omni seculari seruitio et exactione et alias duas bouatas terre cum pertinentiis liberas de me et heredibus meis saluo forinseco seruitio Et cum his predictis dedi et concessi et hac presenti carta mea confirmaui dictis canonicis in perpetuam elemosinam totam decimam molendini de Sutona de multura et aliis exitibus inde prouenientibus et quietanciam molture canonicis de proprio blado et brasio et farina que uoluerint ibi molere Preter hec concessi eisdem canonicis in perpetuam elemosinam quendam locum iuxta cimiterium ad hospitandum et edificandum idoneum et sex acras terre de dominio meo uidelicet quatuor iuxta hoc mesagium et duas acras in campo et omnia aisiamenta canonicis et hominibus suis et aueriis eorum et hominum suorum in omni communione de Sutton in campis et pratis et in pasturis et in aquis in uiis et semitis et in omnibus aliis locis His testibus Nicholao capellano et Willelmo sacerdote de Trentham et Waltero capellano et Henrico clerico et Jordano pugili et Dauid de Cochenec Simone filio Alani