Charter Document - 08040164
| Charter Number: | 08040164 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1207 - 1220 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum peruenerit Robertus de Acastre salutem in domino Nouerit uniuersitas uestra me concessisse et dedisse et hac presenti carta mea confirmasse deo et beate Marie et sancto Johanni baptiste et beatis pauperibus sancte domus Hospitalis Jerusalem quatuor seliones terre arabilis cum omnibus pertinenciis suis in territorio de Kniueton qui iacent in Galle et abuttant super campum de Flintam scilicet tres seliones jacentes inter terram Johannis filii Mabilie et terram domine Alicie et unum selionem iacentem inter terram predicte domine Alicie et terram Roberti Nobilis Tenendos et habendos in liberam puram et perpetuam elemosinam sicut aliqua elemosina liberius aut melius alicui domui religionis dari potest Et ego Robertus de Acastre et heredes mei predictos seliones cum omnibus pertinenciis suis deo et beate Marie et sancto Johanni baptiste et beatis pauperibus domus Hospitalis Jerusalem contra omnes gentes inperpetuum warantizabimus In huius rei testimonium sigillum meum huic scripto apposui Hiis testibus domino Waltero de Gousele domino Galfrido de Stokes domino Waltero pincerna Willelmo filio Radulfi de Kniueton Willelmo Pedeliu Henrico de Houerigham Thome filio Osberti de Flinham Durant de Gorram Roberto de Aueringes Ricardo Bretel Roberto de Auburne Willelmo filio Johannis Rogero clerico et aliis