Charter Document - 08040160
| Charter Number: | 08040160 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1205 - 1207 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis ad quos presens scriptum peruenerit Willelmus de Ros filius Willelmi de Ros salutem in domino Ad omnium noticiam uolo peruenire quod ego Willelmus pro amore dei et pro salute anime mee et uxoris mee Sibille et antecessorum et successorum meorum confirmaui ecclesie sancte Marie de Suwerc et canonicis ibidem deo seruientibus heremitorium quod est in parochia de Plumstede cum tribus acris terre in marisco et cum omnibus pertinenciis suis quod habuerunt ex donacione antecessorum meorum Preterea in augmentum illius beneficii dedi et concessi et presenti carta confirmaui predictis canonicis in liberam et perpetuam elemosinam totam terram quam pater meus dedit et concessit Rogero Prat pro salute anime sue cum omnibus pertinenciis suis Et preterea concessi eis totam terram cum bosco que est a prescripto heremitorio usque terram Rogeri predicti Prat a riuulo qui est uersus orientem usque Strode uersus occidentem Et ipsi canonici gracia dei et predicti beneficii concesserunt mihi quod inuenient in predicto heremitorio aut canonicum aut capellanum ibidem pro anima mea et uxoris mee Sibille et patris mei et matris mee et antecessorum et successorum meorum cotidie diuina celebrantem saluo ubique iure matricis ecclesie de Plumstede Hiis testibus Johanne capellano de Plumstede Johanne capellano de Wlewich Roberto de Campaines Roberto de Maleuile Stephano de Ros Radulfo Scot Henrico filio Reineri Petro filio Henrici filii Ailwini Juliano fratre Roberti de Maleuile Laurentio filio Willelmi de Camera Edmundo Godefrido portario et multis aliis