Charter Document - 08040156
| Charter Number: | 08040156 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1208 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus filius Willelmi de Tachel dedi et concessi et hac presenti carta mea confirmaui deo et ecclesie beati Jacobi de Tremhall et canonicis ibidem deo seruientibus uiginti acras de essartis in Thakel videlicet duodecim acras quas Aliz mater mea habuit in dotem et octo acras de meo dominico essarto iuxta easdem in puram et perpetuam elemosinam tenendas et habendas de me et de heredibus meis et successoribus liberas et quietas ex omnibus secularibus seruitiis et exactionibus in perpetuum cum omnibus pertinentiis ad dictas uiginti acras spectantibus Preterea concessi et hac eadem carta confirmaui deo et predicte ecclesie et canonicis eiusdem loci sex acras terre arabilis et unam acram prati quas pater meus Willelmus eisdem dedit similiter in puram et perpetuam elemosinam Hanc donacionem et confirmacionem feci eisdem pro anime mee et antecessorum et successorum meorum salute Et ego et heredes mei warantizabimus prefate ecclesie et canonicis predictam terram contra omnes gentes Hiis testibus Thome de Munfichet Willelmo de Hauill juniore Radulfo Morell Waltero de Patemere Ricardo filio Pagani Galfrido de Elsenham Osberto de Martinesford Willelmo de Hathfeld Johanne marescallo Dauid de Kamera Andrea de Poilli Laurencio de Takel Hugone Reuel Waltero Bald Willelmo filio Rodland Willelmo juniore et multis aliis