Charter Document - 08040154
| Charter Number: | 08040154 |
|---|---|
| Cartulary Title: | Sir Christopher Hatton's Book of Seals |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1154 - 1189 |
| Date type: | Assigned |
| Resource Link(s): |
|
Charter:
Uniuersis sancte matris ecclesie fidelibus Guillelmus de Karebi salutem Sciatis me concessisse et presenti carta mea confirmasse assensu et concessu Eline uxoris mee ecclesie sancte Marie Legrecestrie de Prato et canonicis regularibus ibidem deo seruientibus unam virgata terre in Theingwrdia ad firmam perpetuo de me tenendam et de heredibus meis per duodecim nummos annuatim michi persoluendo scilicet ad purificacionem sancte Marie pro omni seruicio mihi et heredibus mee pertinente scilicet uirgata Geruasii et ipsum Geruasium quietum clammauimus ego et uxor mea et heredes mei et uxorem suam et omnes liberos suos predictis canonicis cum omnibus catallis suis Quare uolumus et presenti carta corroboramus ego et uxor mea et heredes mei ut predicti canonici predictam uirgatam terre cum suis pertinenciis habeant et teneant inperpetuum bene et in pace libere et quiete ab omni seruicio et exaccione seculari erga me et heredes meos pro duodecim nummis saluo forinseco seruicio Pro hac autem conuentione dederunt mihi predicti canonici iiij marcas argenti et remiserunt michi xiiij solidos quos eis debebam et uxori mee Eline dederunt v solidos et Roberto filio meo xij denarios His testibus Petro Croubrid Roberto presbitero de Tehingewrd Waltero de Braccel Willelmo preposito Tehingewrd Reinero eiusdem uille Reginaldo de Belegraue Alexandro de cellario Roberto fratre suo Alexandro de Caldwellia Ricardo fratre suo Simone de coquina Ricardo de sartrin Ketelb de Turmodestonia et Johanne filio suo Roberto de Muled et Umfrido fratre suo Willelmo diacono Petro fratre prioris et multis aliis